Ferðaskilmálar

Ferðaskilmálar og skilyrði

Fara ferðaskrifstofa ehf., kt. 420425-2010 (hér eftir „Ferðaskrifstofan“) er löggilt ferðaskrifstofa með leyfi frá Ferðamálastofu Íslands. Ferðaskrifstofan ber lögbundnar tryggingar gagnvart viðskiptavinum sínum og starfar í samræmi við lög og reglur um pakkaferðir.

Ef óskað er eftir nánari upplýsingum er hægt að hafa samband við Ferðaskrifstofuna í gegnum tölvupóst á netfangið info@fara.is.

Breytingar vegna aðstæðna

Ferðaskrifstofan ber ekki ábyrgð á óviðráðanlegum breytingum sem geta átt sér stað, svo sem seinkunum eða breytingum á flugtímum eða breyttum tímasetningum atburða sem sóttir eru heim. Í slíkum tilfellum er heimilt að breyta eða aflýsa ferð ef aðstæður krefjast þess og engin leið er til að hafa áhrif á aðstæðurnar. Farþegum er þá send tilkynning við fyrsta mögulega tækifæri.

Verð og skilmálar

Auglýst verð innihalda öll gjöld og skatta nema annað sé sérstaklega tekið fram. Verðin eru staðgreiðsluverð og miðast við gengisskráningu og flugfargjöld á þeim tíma sem bókun er gerð. Við staðfestingu pöntunar getur uppgefið verð breyst ef breytingar verða á flutningskostnaði, eldsneytiskostnaði, álögum, sköttum, lendingargjöldum eða gengi þess gjaldmiðils sem við á.
‍
Ef ferð er að fullu greidd tekur hún ekki slíkum verðbreytingum. Ef ferð er greidd að hluta en að meira en hálfu, þá taka verðbreytingar aðeins 50% gildi. Umsömdu verði má þó ekki breyta síðustu tuttugu dagana fyrir brottför.

Framsal og sérstakar aðstæður

Ferðamaður getur framselt samning um pakkaferð til annars ferðamanns sem uppfyllir öll skilyrði samningsins. Tilkynna þarf slíkt framsal með hæfilegum fyrirvara og Ferðaskrifstofan áskilur sér rétt til að hafna ef skilyrði eru ekki uppfyllt. Framseljandi og framsalshafi bera sameiginlega ábyrgð á greiðslu eftirstöðva og þeim kostnaði sem fylgir framsalinu. Ferðaskrifstofan getur jafnframt aflýst pakkaferð ef ekki er hægt að efna samninginn vegna óviðráðanlegra aðstæðna.

Fyrirvarar og villur

Viðskiptavinum er bent á að kynna sér skilmála flugfélaganna sem ferðast er með, meðal annars varðandi farangursheimildir og möguleg aukagjöld fyrir þjónustu. Ferðaskrifstofan áskilur sér rétt til að leiðrétta innsláttar- og prentvillur í útgefnu kynningarefni, hvort sem það birtist á prenti eða á vefnum. Ferðaskrifstofan áskilur sér jafnframt rétt til að breyta skilmálunum fyrirvaralaust.

Skyldur ferðamanna

Ferðakaupandi ber sjálfur ábyrgð á því að mæta tímanlega til allra ferða sem skipulagðar eru af Ferðaskrifstofunni. Ferðaskrifstofan áskilur sér rétt til að vísa farþega úr ferð ef viðkomandi telst ekki ferðafær vegna óhóflegrar áfengis- eða lyfjaneyslu eða vegna hegðunar og samskipta við starfsfólk, samstarfsaðila eða aðra farþega sem teljast óviðunandi.

Breytingar flug og hópar

Allir flugtímar sem birtir eru í pakkaferðum teljast áætlaðir og geta tekið breytingum. Ef flugfélag fellir niður flug reynir Ferðaskrifstofan að útvega annað flug ef það er mögulegt, ella er ferðin endurgreidd. Þegar um hópferð er að ræða ber Ferðaskrifstofan allar upplýsingar varðandi breytingar undir tengilið hópsins sem ber ábyrgð á að koma þeim áfram til annarra þátttakenda.

Greiðslur og staðfesting

Hægt er að greiða ferð að fullu á vefsíðu eða með millifærslu í samráði við starfsmenn Ferðaskrifstofunnar. Ef bókun er gerð með meira en tíu vikna fyrirvara er einnig hægt að greiða staðfestingargjald. Sé minna en tíu vikur í brottför þarf að greiða ferð að fullu við bókun.

Farangur skemmdir og tap

Ferðaskrifstofan ber ekki ábyrgð á skemmdum á töskum sem verða í leiguflugi, áætlunarflugi eða öðrum farartækjum sem notuð eru í ferðinni. Ef skemmdir verða eða taska týnist skal farþegi fá skriflega skýrslu hjá flugvallaryfirvöldum á staðnum. Flugfélagið greiðir skaðabætur samkvæmt alþjóðlegum reglum og greiðslan fer beint til farþega.

Farangur tafir og afgreiðsla

Ferðaskrifstofan ber ekki ábyrgð ef farangur tapast eða berst seint vegna rangrar afgreiðslu á flugvelli.

Ferðatryggingar

Forfallatrygging er ekki í boði hjá Ferðaskrifstofunni. Viðskiptavinum er bent á að slík trygging er fáanleg hjá tryggingafélögum. Einnig bjóða mörg greiðslukort upp á ferðatryggingar ef ferðir eru greiddar með korti. Ferðamönnum er eindregið bent á að kynna sér þessa möguleika áður en bókað er ferð og ferð hefst.

Ef óskað er eftir nánari upplýsingum er hægt að hafa samband við Ferðaskrifstofuna í gegnum tölvupóst á netfangið info@fara.is.

Ferðaskilmálar og skilyrði

Upplifðu nýjar víddir

Hafa samband

samfélagsmiðlar