La Manga Club Golf Resort
La Manga Club er eitt þekktasta og virtasta golfresort Spánar og hefur í meira en hálfa öld verið meðal fremstu golfáfangastaða Evrópu. Resortið hefur tvívegis verið valið Europe’s Best Golf Venue á World Golf Awards og er aftur tilnefnt til sömu verðlauna árið 2026. Hér sameinast þrír 18 holu golfvellir, fimm stjörnu Grand Hyatt hótel og framúrskarandi aðstaða á einum og sama stað.
Það sem gerir La Manga Club sérstaklega spennandi fyrir kylfinga er fjölbreytnin. Þrír ólíkir 18 holu vellir bjóða hver upp á sína upplifun, allt frá klassískum championship-velli til hæðóttari og krefjandi brauta. La Manga hefur jafnframt hýst fjölmörg stór golfmót í gegnum tíðina, þar á meðal Spanish Open, og á sér langa sögu sem einn af leiðandi golfáfangastöðum Spánar.
Gist er á Grand Hyatt La Manga Club Golf & Spa, glæsilegu fimm stjörnu hóteli í hjarta resortsins. Þar er allt til alls eftir golfdaginn – fjölbreyttir veitingastaðir, glæsileg spa- og wellness-aðstaða, sundlaugar og fyrsta flokks þjónusta í afslappaðri Miðjarðarhafsstemningu.
Flogið er beint með Icelandair til Alicante og þaðan er ekið til La Manga Club. Þegar komið er á áfangastað er allt innan seilingar og hægt að njóta golfviku þar sem frábært golf, fimm stjörnu gisting og spænsk sól mynda eina sterka heild.
La Manga Club státar af þremur 18 holu golfvöllum – South Course, North Course og West Course – sem hver um sig hefur sinn karakter og býður upp á ólíka golfupplifun. Fjölbreytnin er eitt af því sem hefur gert La Manga Club að einum þekktasta golfáfangastað Spánar og hér finna kylfingar á öllum getustigum eitthvað við sitt hæfi.
South Course er flaggskip La Manga Club og sá völlur sem sterkasta golfsagan tengist. Völlurinn var upphaflega hannaður af Robert Dean Putman og síðar endurhannaður af Arnold Palmer. Hann hefur hýst fjölda atvinnumannamóta, þar á meðal Spanish Open og PGA úrtökumót.
Breiðar brautir, pálmatré, fallegar vatnshindranir og vel staðsettar glompur einkenna völlinn. Hönnunin býður upp á skemmtilegar ákvarðanir fyrir vana kylfinga en á sama tíma er völlurinn aðgengilegur og ánægjulegur fyrir kylfinga á ólíkum getustigum. South Course sameinar þannig championship-karakter og golfupplifun sem hentar breiðum hópi kylfinga.
North Course er fallegur og fjölbreyttur völlur sem liðast í gegnum landslag með pálmatrjám, vötnum og náttúrulegum giljum sem setja sterkan svip á umhverfið.
Völlurinn er þægilegur í spilun en býður jafnframt upp á nægar áskoranir fyrir vana kylfinga. Fjölbreyttar brautir, vatnshindranir og vel staðsettar glompur halda leiknum áhugaverðum allan hringinn og gera North Course að skemmtilegri golfupplifun fyrir kylfinga á öllum getustigum.
West Course sker sig mest úr af völlunum þremur og býður upp á allt aðra upplifun. Völlurinn liggur í fallegu og hæðóttu náttúrulandslagi og er hannaður af Dave Thomas.
Hæðarmunur, fjölbreyttar brautir og stórbrotið útsýni yfir landslagið í kring gera hringinn einstaklega eftirminnilegan. Völlurinn býður upp á skemmtilegar áskoranir og verðlaunar góð högg, en með réttum teigum geta kylfingar á ólíkum getustigum notið þess sem West Course hefur upp á að bjóða.
Það er einmitt þessi fjölbreytni sem gerir golfið á La Manga Club sérstakt – þrír 18 holu vellir á sama resorti en þrjár mjög ólíkar golfupplifanir.
Grand Hyatt La Manga Club Golf & Spa er fimm stjörnu lúxushótel staðsett í hjarta resortsins og myndar miðpunktinn í upplifuninni. Hótelið gekkst undir umfangsmikla endurnýjun áður en það opnaði undir merkjum Grand Hyatt árið 2023 og sameinar í dag nútímalegan lúxus við afslappaða Miðjarðarhafsstemningu.
Gæðin hafa ekki farið fram hjá golfheiminum. Grand Hyatt La Manga Club Golf & Spa er tilnefnt sem Spain’s Best Golf Hotel á World Golf Awards 2026, á sama tíma og La Manga Club er tilnefnt sem Europe’s Best Golf Venue.
Herbergin eru rúmgóð og glæsilega innréttuð og á hótelinu er fjölbreytt úrval veitingastaða og bara. Eftir golfdaginn er hægt að slaka á við sundlaugina eða nýta glæsilega spa- og wellness-aðstöðu hótelsins.
Stærsti kosturinn er þó hversu einföld golfupplifunin verður. Golfvellirnir þrír, æfingasvæði, veitingastaðir og önnur þjónusta eru öll innan La Manga Club. Hér getur því öll vikan snúist um það sem skiptir mestu máli – gott golf, góðan mat og fyrsta flokks aðstöðu.
La Manga Club er staðsett í Murcia á suðausturströnd Spánar, þar sem Miðjarðarhafið, fallegar strendur og afslappaður spænskur lífsstíll setja svip sinn á umhverfið. Svæðið nýtur mikillar sólar og milts loftslags og er þekkt fyrir fallega strandbæi, góða matargerð og fjölbreytt mannlíf.
Resortið sjálft er áfangastaður út af fyrir sig. Auk golfvallanna þriggja er þar frábær íþrótta- og afþreyingaraðstaða með meðal annars tennis, padel, líkamsrækt, sundlaugum, spa og fjölbreyttu úrvali veitingastaða og bara.
Utan resortsins er þó einnig nóg að upplifa. Stutt er að ströndum Miðjarðarhafsins og La Manga-strandlengjunni, þar sem finna má strandstaði, veitingastaði og fallegt útsýni yfir hafið og Mar Menor. Hafnarborgin Cartagena er einnig í nágrenninu og er vel þess virði að heimsækja, með fallegri höfn, sögulegum miðbæ, veitingastöðum og ríkri sögu sem nær aftur til Rómverjatímans.
Murcia-héraðið er jafnframt þekkt fyrir matarmenningu sína þar sem ferskt sjávarfang, tapas og staðbundið hráefni eru í aðalhlutverki. Hér er því auðvelt að blanda golfdögunum saman við góðan mat, strandlíf og dagsferðir og upplifa meira af Spáni en eingöngu resortið.
✅ Beint flug með ICELANDAIR til Málaga
✅ Flutningur til og frá flugvelli
✅ Farangurs og innritunar þjónusta BagBee*
✅ 10kg handfarangurs taska ásamt golfferðapoka
✅ Gisting í 7 nætur ásamt morgunverði
✅ 6 golfhringir
✅ Aðgangur að heilsulind
✅ Íslensk fararstjórn
*BagBee er þjónustufyrirtæki sem sækir töskurnar heim til ykkar daginn fyrir brottför og sér alfarið um að innrita farangur og farþega. Bagbee afhendir ykkur brottfararspjöld og þið mætið einfaldlega upp á flugvöll, farið beint upp og í gegnum öryggisleitina. Engar innritunarraðir, engar töskur til og frá bíl og ekkert vesen.
❌Kvöldverður er ekki innifalinn en hægt að bæta við í bókunarferli*
