Real Club de Golf El Prat er golfvöllur í hæsta gæðaflokki, þekktur fyrir fjölbreyttar brautir, einstaklega vandaða hönnun og hágæða aðstöðu.Völlurinn er hannaður af Greg Norman og samanstendur af 45 holum sem raðast í nokkrar mismunandi 18 holu samsetningar. Þetta gerir kleift að spila mjög ólíka hringi á hverjum degi.Völlurinn liggur í náttúruverndarsvæði skammt frá Barcelona, umkringdur skógi, sveigjanlegum landslagshækkunum og fallegum útsýnum.Völlurinn er krefjandi en sanngjarn, breiðar brautir, vel staðsettar glompur og fjölbreytt teighæð gera völlinn að skemmtilegri og taktískri áskorun fyrir kylfinga á öllum getustigum.

La Mola er nútímalegt og stílhreint fjögurra stjörnu hótel sem liggur innan Sant Llorenç del Munt náttúruparksins. Björt og rúmgóð herbergi með nútímalegri hönnun og fallegu útsýni yfir náttúruna.Hótelið býður upp á frábæran morgunverð, veitingastaði með ferskum hráefnum og notalega bari þar sem hægt er að njóta drykkja eftir góðan golfring.Þá er frábær heilsulind með innilaug, saunu og fjölbreyttu úrvali af meðferðum á hótelinu. Fullkomið fyrir þá sem vilja endurnærandi kvöld eftir dag á vellinum.

Hótelið og golfvöllurinn eru staðsett skammt frá Barcelona, einni líflegustu og litríkustu borg Evrópu. Hér gefst kjörið tækifæri til að sameina slökun og golf með stórborgarstemningu, en Barcelona býður upp á ótal möguleika fyrir þá sem vilja upplifa menningu, sögu og líflegt mannlíf. Í borginni má meðal annars sjá einstaka byggingarlist Antoni Gaudí, rölta um sögufrægan gamla bæinn og gotneska hverfið, njóta framúrskarandi verslunarmöguleika og sötra drykk við sandstrendurnar á Barceloneta. Svæðið býður því upp á fullkomna blöndu rólegra daga á golfvellinum og spennandi upplifana í borginni – allt eftir því sem hentar hverju sinni.

✅ Beint flug með ICELANDAIR til Barcelona

✅ 10kg handfarangurs taska ásamt golfferðapoka

✅ Gisting í 5 nætur ásamt morgunverði

✅ Aðgangur að heilsulind

✅ Ótakmarkað golf í 4 daga

✅ Golfbíll

✅ Flutningur til og frá flugvelli

✅ Fararstjóri - Jón Þór Gylfason

‍